Како Брегзит го поткрепи пазарот на недвижности во Шведска?
Интересот за инвестирање во нордиската држава се засилува, а цените на акциите на компаниите за недвижности растат брзо.
Објавено во: Економија, Свет 28 Септември, 2016
Во Шведска каде политичката средина и економскиот раст се стабилни, компаниите за недвижности покажуваат дека побарувачката се зголемува, пишува Bloomberg во својата анализа.
Голем дел од оваа побарувачка се должи на „многу позитивниот ефект од Брегзит“.
Во последните 12 месеци акциите на компаниите за имот во скандинавските земји поскапеле за 35% во однос на претходниот 12-месечен период.
Истовремено луксузниот сегмент од пазарот во Велика Британија останува под притисок. По гласањето за излез од ЕУ; над три четвртини од сопствениците, кои во моментов продаваат скапи имоти на Островот, ги намалиле цените.