КАЈ МЛАДИОТ БЕРОВЕЦ КОЈ ПОЧИНА ОД СЕПСА ПОРАДИ ЗАБ НЕМА ЛЕКАРСКА ГРЕШКА - виновна е инфекцијата која не можела да се спречи
Објавено во: Македонија 23 Септември, 2022
Целата компликација настанува поради системско проширување на инфекцијата во целиот организам на пациентот и неможноста за реагирање, смирување или намалување на таа инфекција, изјави министерот Сали за Сител.
Тој вели дека според извештајот, на младиот беровец навремено му била пружана лекарска помош, но инфекцијата не можела да се спречи.
– Според наодите кои се најдени во институциите и документацијата дознаваме дека се испочитувани сите стручни фази за пружање навремени стручни услуги кон пациентот. Меѓутоа, целата компликација настанува поради системско проширување на инфекцијата во целиот организам на пациентот и неможноста за реагирање, смирување или намалување на таа инфекција – изјави Сали за ТВ Сител.
Роднините на починатиот на социјалните мрежи информираа дека тој починал откако добил сепса по дренирање заб во штипска болница.
„На ден 23.08 пациент на возраст од 25 години е префрлен од Клиничката болница во Штип во многу тешка состојба и на респиратор. Пациентот на прием со знаци за тешка системска инфекција. И покрај напорите на медицинскиот тим на КАРИЛ и дадената соодветна медицинска нега, пациентот за жал почина за помалку од 24 часа“, соопшти директорот на Клиниката за трауматологија ортопедски болести, анестезија, реанимација и интензивно лекување и Ургентен центар (ТОАРИЛУЦ), Александар Трајановски.