Кафето во Грција станува горко од следната година
Објавено во: Балкан 09 Декември, 2016
Од 1 јануари 2017 година кафето во Грција ќе поскапе поради зголемениот посебен данок на потрошувачка.
Зголемувањето на сервирање кафе ќе биде до 10 евроценти, а малопродажната цена на кафето ќе скокне за 25%, објави весникот „Та неа".
За да ги договори фискалните мерки со кредиторите, владата во Атина во март гласаше за воведувањето на овој конкретен данок, кој ќе е прогресивен и ќе се наплаќа во зависност од категоријата на кафе.
Данокот варира од две до четири евра за килограм кафе.
Годишната потрошувачка на кафе во Грција надминува 42.000 тони. Постои сомнеж дали мерката ќе биде ефикасна.
Министерството за финансии очекува приходите од овој данок да изнесуваат 62 милиони евра, но трговците се сомневаат дека предметната мерка може да доведе до бум на нелегалната трговија и до даночно затајување.