КАДИРОВ СИ ГИ ПРАЌА СОПСТВЕНИТЕ СИНОВИ ВО ВОЈНА, ДУРИ И НАЈМАЛИОТ ЌЕ СЕ БОРИ НА ФРОНТОТ: Децата имаат 14, 15 и 16 години
Објавено во: Свет 03 Октомври, 2022
Рамзан Кадиров,
чеченскиот лидер и верен сојузник на Владимир Путин, објави дека ги испраќа
своите три малолетни синови во војната во Украина. Посочува дека имаат 14, 15 и
16 години, но дека нивната воена обука почнала одамна, од мали нозе.
„Не е доволно само да знаеш да пукаш. Тие знаат како да ракуваат со различни оружја, како да ги користат на било која дистанца и теоретските основи. Отсекогаш сум верувал дека главната цел на секој татко е да всади побожност кај своите синови и да ги научи да го штитат своето семејство, народ и татковина. Ако сакате мир, подгответе се за војна“, објави Кадиров на Телеграм.
„Ахмат, Ели и
Адам се подготвени да ги искористат своите вештини и не се шегувам - време е да
се покажат во вистинска борба, а тоа е нивната желба што ја поздравувам“,
напиша тој. Наскоро ќе бидат на првата линија“, додаде Кадиров.
Тој ги повика оние кои тврдат дека неговото семејство не учествува во „специјална воена операција“ да го покажат својот дух, идеологија и кои се тие на бојното поле. „Докажете дека сте барем малку мажи“, наведува Кадиров на Телеграм.