КАБИНЕТ НА СПИКЕРОТ ЗА ПРАТЕНИКОТ ЗИБЕРИ - гласаше во специјална кабина и немаше контакт со никого
Објавено во: Македонија 31 Август, 2020
Од Кабинетот на спикерот Талат Џафери денеска излегоа со мало, како што го нарекуваат, објаснување во врска со пратеникот Зибери.
„Пратеникот не беше на седница воопшто, тој не се чувствувал добро, истиот не е ни изолиран ниту тестиран за КОВИД - 19, тој лично не се чувствувал добро, и од колегијален аспект го информирал претседателот на Собранието дека не се чувствува добро. Оттука, петседателот на Собранието по протокол на здраствена комисија што ни беше доставен преку препораките (во случај некој и да се двоуми односно субјективно да сугерира дека не се чувствува добро) Собранието да биде подготвено со посебен простор за гласање. На горниот кат постои кабината за превод определена за таа намена, која беше дезифицирана, и пратеникот дојде само во моментот на гласање директно од кола се каци во лифт и во просторијата, по завршуванје на гласањето тој се врати со лифтот и директно во кола, немаше контакт со никого. А лифтот секако после него не беше во функција до момент на дезифицирање. Претседателот на Собранието Џафери целосно и доследно ги почитуваше протоколите дадени од Комисијата“, децидни се од Кабинетот на спикерот Џафери.