Јункер: Договорот со Турција ќе пропадне, ако таа не ги исполни своите обврски
Објавено во: Балкан 12 Мај, 2016
Претседателот на ЕК Жан-Клод Јункер денеска изјави дека договорот меѓу ЕУ и Турција во врска со мигрантите ќе пропадне, ако Анкара не ги исполни сите обврски, вклучувајќи и воведување на промени во антитерористичката легислатива на земјата, пренесува Ројтерс.
„Постигнавме договор со турската влада, а оставката на премиерот не може да го направи неважечки“, посочил Јункер во врска со најавеното повлекување на Ахмет Давутоглу.
Во рамките на договорот Турција се ангажира да го запре приливот на мигранти кон Европа. Во замена ЕУ вети либерализација на визниот режим за Турците. Пред да ги укине визите сепак Брисел стави 72 услови пред Анкара, а еден од нив е ревизија на законот за борба против тероризмот.
Во исто време, турскиот претседател Реџеп Таип Ердоган денеска го осуди „лицемерието“ на ЕУ, која бара од Турција да го промени антитерористичкиот закон во замена за либерализација на визниот режим.
„Од кога управувате ао оваа земја и кој ви даде право?“, праша Ердоган за време на говорот во Анкара.
Тој истакна дека е недозволиво Турција да го менува законодавството во момент во кој се соочува со пораст на курдското сепаратистичко движење.