Добивај вести на Viber
Јавниот долг на Франција ќе достигне рекордни 95,1% од БДП, прогнозира земјата во проекцијата на нацрт-буџетот за 2014 година. Тоа е многу повеќе во однос на досегашните прогнози.
Владата во Париз, сепак, напоменува дека долгот ќе биде намален во 2015 година и дека ќе се испочитува рокот на Европската унија за намалување на јавниот дефицит под границата од три проценти, пренесува агенцијата Франс прес.
Фрација се бори да го поттикне слабиот економски раст во време на рекордна невработеност, ограничени инвестиции и ниска домашна потрошувачка.
Околу 80 проценти од фискалното штедење во наредната година ќе биде оствaрено со намалувањето на јавната потрошувачка, а 20 проценти со раст на даноците, наведува владата.