Добивај вести на Viber
Јапонскиот производител на опрема за домаќинства „Lixil“, се договори да го купи германскиот производител на опрема за бањи „Grohe“. Јапонската компанија, за 87,5 проценти удел, ќе плати 4,13 милијарди американски долари.
Моменталниот сопственик на овој удел е финансискиот инвеститор „TPG Capital“. Ова е најголемото преземање на јапoнската компанија во Европа , како и втората најголема трансакција во Јапонија оваа година.
„Lixil“ во овој проект се вклучува заедно со Јапонската банка за развој, чии инвестиции се поделени на половина.
Со ова преземање „Lixil“ сака да ја зајакне својата пазарна положба во Европа, каде остварува околу 18 проценти од приходите кои изнесуваат околу 15 милијарди долари.