ИЗБОРИ ВО ХРВАТСКА: Јосиповиќ и Колинда Грабар Китаровиќ одат во втор круг
Објавено во: Балкан 28 Декември, 2014
Во вториот круг на избори за претседател на Хрватска, според обработениет 97 одсто од гласовите одат кај Иво Јосипович со 38,57 одсто од гласовите и кај кандидатката на ХДЗ Колинда Грабар Китаровиќ која освои 37,08 одсто.
Според податоците на Државната изборна комисја објавени во 21.55 на интернет порталот на Комисјата, актуелниот претседател Јосиповиќ во вториот круг ќе се бори со Колинда Грабар Китаровиќ.
Комисјата најавила дека во 22 часот ќе одржи конференција за новинари на која ќе ги објави првите неофицијални резултати.
Денот на изборите за претседател во Хрватска поминал мирно, без поголеми нерегуларности.
Вкупно 6350 избирачки места ги надгледувале речиси 22 илјади набљудувачи, најмногу во последните неколку изборни циклуци.
Избирачките места биле отворени во седум часот, а затворени во 19 часот.
Хрватскиот претседател се избира на мнозински изборен систем, односно претседател станува оној кој добива мнозинство од гласовите од сите гласачи кои гласале (50 одсто плус еден глас).
Доколку тоа не се случи, двајцата кандидати со најголем број гласови одат во втор круг, кој ќе се одржи 14 дена подоцна, значи на 11 јануари.
Претседателскиот мандат трае пет години и, според хрватскиот Устав, никој не може на таа функција да биде избиран повеќе од двапати по ред.