ИТ-фирма доби 4,5 милиони од Фондот за иновации за софтверско решение за транспортот
Објавено во: Економија 21 Ноември, 2018
Фондот за иновации и технолошки развој и додели грант од 4.522.720 милиони денари на ИТ-компанијата „Некстсенс“ за иноватовно решение за софтвер кое е избрано како прворангирано, а же треба да го направи поефикасен системот за управување во областа на патничкиот и товарниот сообраќај.
Проектот под име „ПристАпп Информациски систем за управување во областа на патничниот и товарниот сообраќај“ ќе трае девет месеци, а квартално ќе го надгледуваат стручни лица од ФИНКИ. Ќе овозможи стандардизација и дигитализација на секторите поврзани со превоз на стока и патници. Целта на новото софтверско решение е да обезбеди поефикасен и потранспарентен процес на издавање на различни видови на дозволи и документи за да се зголеми ефикасноста и работата на Министерството за транспорт и врски и да се понудат поквалитетни услуги во секторот транспорт.
Новиот систем ќе ги подобри постапките за одобрување решенија, па сѐ до издавање на лиценците и дозволите и подобра комуникација помеѓу институциите во оваа област како и да создаде централен регистар на транспортери со информации за сите типови на транспортни компании, според нивните податоци и дејноста.
Со ова системско решение трошоците за изработка на новиот софтвер и негово одржување ќе се намалат за 52% во однос на системот кој досега се применува.
Проектот ПристАпп е дел од ицијативата на ФИТР за Примена на иновации во јавниот сектор преку кој треба јавните институции да станат поефикасни, потранспарентни и да понудат поквалитетни услуги за граѓаните.