„Исламска држава" си создаде сопствена социјална мрежа
Објавено во: Свет 04 Мај, 2017
Борците на групата „Исламска држава" развиваат своја социјална мрежа, за да не бидат погодени од мерките кои службите за безбедност ги презедоа против нивните комуникации и пропагандата.
Ова го откри директорот на Европската полициска служба (Европол), Роб Вајнрајт, цитиран од агенциите.
Според него новата платформа била откриена во рамките на 48-часовна операција против екстремизмот на интернет минатата недела.
„При оваа операција беше откриено дека сега „Исламска држава" развива своја социјална медиумска платформа, свој дел на интернет за да ја остварува својата агенда"- коментира тој на конференцијата за безбедност во Лондон.
Тврди дека тоа покажува дека дел од членовите на ИД продолжуваат да пројавуваат иновација во оваа област.