Добивај вести на Viber
ИСИС не може да биде победена со воена сила. Со зголемување на воздушните напади на терористичката организација, Западот ја зголемува веројатноста за големи теористички напади како оние од Париз на 13 ноември, вели Ноам Чомски.
Ако Западот сака да ја намали веројатноста за понатамошни терористички напади треба да се занимава со причините за терористичките напади во Париз.
Значи пред да се бомбардира терористичката организација на Блискиот исток, треба прво да се запраша Западот зошто до сето тоа дошло.
“Ако сакате тоа да се заврши, прво прашање кое се поствува е: зошто дојде до тоа? Кои беа непосредните причинители и што се подлабоките корени.“ изјави професорот Чомски во интервју за “Активизам Минхен“.
Во спротивно, едноставна стратегија на бомбардирање нема да направи ништо друго освен што ќе го зголеми ризикот од дополнителни терористички напади.
Освен тоа, Чомски додаде дека веројатно е невозможно да се победи ИСИС со воена сила, но дури и да се случи тоа и Западот да успее да ги уништи терористите, нешто полошо ќе се појави на нивното место ако основните причинители не се правилно отстранети.
Низа на бомбашки напди и пукотници го потресоа Париз на 13 ноември. Неколку екстремисти покренаа координирани напади низ целиот град, убивајќи така околу 130 луѓе и повредувајќи 360 на повеќе локации, вклучувајќи ресторани, концертна сала и стадион. ИСИС презеде одговорност за нападите.