Иран го отфрла американскиот долар - ќе користи други валути
Објавено во: Економија 01 Февруари, 2017
Иран нема да ја користи американската валута во финансиските трансакции.
Оваа одлука е донесена откако американскиот претседател, Доналд Трамп воведе забрана за влез за граѓаните на седум муслимански земји, меѓу кои е и Иран. Одлуката е одговор на привремената забрана на Трамп за граѓаните на Иран, Ирак, Либија, Сомалија, Судан, Сирија и Јемен за влез во САД.
Одлуката ќе стапи на сила на почетокот на новата фискална година од 21 март 2017 година.
Централната банка на Иран ќе го замени доларот со нова општа странска валута или ќе користи комбинација од валути во сите официјални фискални и странски извештаи.
По изборот на Трамп, иранската валута ријал падна на рекордно ниско ниво во споредба со доларот.
Иранската централна банка соопшти дека САД немаат значајна улога во трговијата на земјата и дека доларот ќе биде заменет со валути на клучните партнери на Иран како Европската Убија, Кина и Обединетите Арапски Емирати.
Техеран има договори со Русија, Азербејџан и Ирак за користење на националните валути во меѓусебните трговски размени.