Добивај вести на Viber
Приливот на странски директни инвестиции (СДИ) во Кина, минатата година, значително се пдообрил во однос на падот од 2012 година.
До тоа дошло благодарение на скокот на довербата во потенцијалниот еконосмки раст на вотрата најголема економија во светот.
Кинеските инвестиции во странство исто така забележале раст, а официјалните лица тврдат дека оваа година може да се надмине обемот на инвестициите кои доаѓаат, пренесува Франс прес.
Вкупната вредност на СДИ во Кина, минатата година, достигнала 117,59 милијарди долари, што според соопштението на кинеското министерство за трговија, претставува значително опоравување.
Најновите податоци се за 5,3 отсто повисоки во однос на 111,72 милијарди долари од 2012 година, кога СДИ, за прв пат за три години, беа намалени за 3,7 отсто, поради економската слабост на развиените пазари и забавувањето на растот во Кина.
Кинеските инвестиции во странство пораснале минатата година за 16,8 отсто на 90,17 милијарди долари, бидејќи кинеските компании продолжиле да купуваат странски активи.
„Кинеските инвестиции во странство веројатно идната година или во 2016. ќе го надминат обемот на СДИ, но не е исклучено тоа да се случи уште оваа година“, изјави портпаролот на кинеското министерство за трговија, Шен Данџенг.
А.А.