Добивај вести на Viber
Годишната стапка на инфлацијата во еврозоната значително е намалена во септември на 1,1 отсто, по падот во август од 1,3 отсто, покажуваат податоците на Евростат.
Најголемо влијание имал големиот пад на цената на енергијата, која се намали за 0,9 отсто по августовскиот пад од 0,3 отсто, додава Евростат.
Цените на храната, пијалоците и цигарите во септември забележаа раст од 2,6 отсто, иако пониска во однос на растот од 3,2 отсто во август, додека цените на услугите пораснале за 1,5 отсто во однос на претходните 1,4 отсто.
Доколку овие податоци се потврдат, ќе стане збор за најниска стапка на инфлација во последните 43 месеци.