ИНФЛАЦИЈА: Нафтата ќе поскапува, цената на храната – удолу!?
Објавено во: Економија 04 Февруари, 2017
Договорот на членките на ОПЕК, но и
тие надвор од организацијата да се намали глобалното производството на нафта,
наговестува раст на цените на нафтата на светските берзи. Имено, според прогнозите,
цената на “црното злато“ годинава ќе расте.
“Овој фактор,во услови на непроменети очекувања за побарувачката, е главната причина и за значителната нагорна корекција на проекцијата на цената на нафтата во 2017 година“ - велат од Народната банка.
Новите проекции на НБМ покажуваат дека во оваа 2017 година се очекува растот на цената да биде двојно поголем во однос на октомвриските прогнози.
“Сега се очекува нејзиниот раст да биде повеќе од двојно повисок од октомвриската проекција“ - наведуваат од Народната Банка.
Во 2017 година пак, светските цени на металите се ревидирани во различна насока. Притоа, очекувањата се значително променети во поглед на цената на бакарот, којашто се предвидува дека ќе забележи двоцифрен раст, што е различно од умереното темпо што беше очекувно во октомври.
Според оценките и очекувањата, сега се предвидува натамошен пад на цената на пченицата, тренд кој започна пред четири години, за разлика од октомвриската проекција во која се предвидува нејзин мал раст. Годишната стапка на инфлација во земјава изнесуваше 0,2%.