ИМААТ УБАВИ ПЛАЖИ, НО ОДМАРААТ ВО ТУРЦИЈА И ГРЦИЈА: Колку пари потрошиле Албанците во странство?

Добивај вести на Viber

За туристички патувања, посети кај своите блиски во странство или поради бизнис, албанските граѓани надвор од земјата минатата година потрошиле 1,1 милијарда евра. 

Тоа е  благ раст од 2% во споредба со претходната година.

Според Централна банка на Албанија, овој износ на средства претставува 10% од вкупното производство на албанската економија на годишно ниво.

Најголеми трошоци албанските граѓани во странство направиле во третото тримесечје, посебно во периодот на летните одмори, кога потрошиле 370 милиони евра.

Како што јави дописникот на МИА, иако Албанија располага со многу убави плажи на крајбрежјето на Јонско и Јадранско Море, сепак многу албански државјани за летување ги избираат Турција и Грција, поради комодитетот и квалитетот на услугите.

Според истиот извор, Албанија лани од туризам остварила заработка од 1,5 милјарди евра, што претставува највисоко ниво на остварен приходи во туристичкиот сектор досега. Во однос на 2015 година, остварените приходи од туризмот се за 13 % повисоки или изразено во бројки 521 милони евра.

Без оглед на високиот прилив на туристи, нето билансот на приходите од туризмот е околу 390 милони евра, поради големите трошоци на абанските граѓани надвор од земјата.

Сепак споредено со претходната година, кога биланост беше негативен, односно трошоците на албанските граѓани надвор од земјата биле повисоки од оние на странските туристи во Албанија, лани е забележано подобрување на нето билансот.