Илјадници британски туристи се евакуирани од Тунис поради предупредување за нов терористички напад
Објавено во: Свет 11 Јули, 2015
Илјадници британски туристи се евакуирани од Тунис, откако Министерството за надворешни работи на Велика Британија ги ажурираше советите за патниците и предупреди дека е многу веројатно да биде извршен нов терористички напад во оваа северноафриканска држава, пишува весникот „The Times“.
Туроператорите организираат дополнителни летови кон Велика Британија, откако надворешното министерство на кралството им препорачало на туристите да го напуштат Тунис.
Одлуката на Лондон дојде две недели по нападот во морското одморалиште Сус, при што беа убиени 38 туристи, од кои 30 беа британски државјани. Советите на Министерството за надворешни работи се засновани на информациите дека уште најмалку двајца милитанти поврзани со терористичкиот напад, се уште на слобода и би можеле да направат обид за повторен напад.
Големите европски туроператори ги пренасочуваат туристите кои планирале одмор во Тунис и регионот, кон други дестинации.