Идентификувани сите 45 загинати во несреќата кај Струма
Објавено во: Македонија 02 Декември, 2021
Бугарскиот заменик-главен обвинител Борислав Сарафов за БТА потврди дека се идентификувани сите 45 жртви на автобусот што се запали на автопатот Струма на 23 ноември на враќање од Турција.
Сарафов додаде дека нивната идентификација е направена со ДНК профили.
Со указ на јавниот обвинител дадено е одобрение посмртните останки на жртвите да им бидат предадени на претставници на македонската влада.
Одлучено е бугарската влада да помогне во транспортот со обезбедување на воен авион.
Вчера од Владата потврдија дека телата во Македонија ќе бидат пренесени утре по воздушен пат, а по државните протоколи, телата ќе бидат предадени во домовите на нивните најблиски.Повеќе детали околу нивниот погреб треба да бидат познати денеска.