Иако е пандемија: Ќе се реновира здравствениот дом во Штип, Филипче најавува ново возило за итна помош
Објавено во: Македонија 05 Декември, 2020
Во Здравствениот дом во Штип целосно ќе се реновираат ходниците и тоалетите, а реконструкцијата треба да почне за две недели. Министерот за здравство Венко Филипче беше денеска во посета на болницата и најави дека овој здравствен дом ќе добие возило за Итната медицинска помош и посебна специјална опрема за возилата
Филипче разговарал со менаџерскиот тим на установите и вработените во овие јавно-здравствени установи.
Преку проектот на Светска банка, од следната година ќе бидат реновирани сите вакцинални пунктови во државата.
Министерот Филипче информираше дека има сосем доволна количина на тестови за коронавирус и близу 100 тестирања се прават на дневно ниво. Системот на координација функционира добро и пунктовите за тестирање работат во две смени.
Во однос на Службата за итна медицинска помош во Штип, капацитетите значајно се зголемиле. Повеќе од 20тина доктори и медицински сестри биле примени на работа.