И сопругата на Субрата Рој станала Македонка?
Објавено во: Економија 08 Јули, 2014
Сопругата на индискиот бизнисмен Субрата Рој зела македонско државјанство и се откажала од индискиот пасош, пишуваат медиумите во Индија.
Претходно, македонско државјанство добија двата сина на индискиот бизнисмен кој најави инвестиции во Македонија пред да заврши во индиски затвор.
Според магазинот „Манилајф“, „тоа е начин како да се спречи индиските органи да трагаат по црните пари на бизнисменот кои ги контролираат неговата сопруга и синот“.
Синот Сушанто Рој и сопругата Свапна Рој се смета дека се дел од моќните приватни инвестициски компании што ги контролираат парите во странство на групацијата „Сахара“.
Субрата Рој и натаму останува во затвор во Индија додека не пронајде начин за исплата на ситните инвеститори кои ги измамил преку инвестициска шема.