(ФОТО) Хрватски Хаваи: Знаевте ли дека во соседството имаме рајска плажа?

Добивај вести на Viber

„Дуги Оток“ (Долг Остров) е еден од најдолгите острови на хрватскиот дел од јадранскиот брег. Од една страна островот паѓа во морето додека од другата страна нуди рајски брег со скриени плажи и заливи.

Toкму во тие скриени делови се наоѓа една од најубавите плажи во Хрватска која поради своите тропски убавини ја нарекуваат хрватски Хаваи-плажата Сакарун. Плажата се наоѓа на северниот дел од „Дуги Оток“ а се простира на должина од 800 метри.

 Мазните бели камења на брегот се претвораат во бели камчиња на дното на морето. Водата е многу плитка, а на 250 метри од брегот достигнува длабочина од 3,5 метри. Таквото задоволство е како создадено за оние кои не сакаат студено освежување во морските длабочини.

Овде дури и паркингот е скриен во боровата шума, а плажата освен природните убавини ја красат атрактивни чадори од трска. На плажата се наоѓаат и два угостителски објекти во кои може да пронајдете освежување и лесен оброк.

Најблиско населено место од заливите се Солине познато и како кампинг, а ако немате превоз може да го почекате туристичкото возче кое од местото поаѓа на секои два часа.

Инаку, оваа за многумина неоткриена плажа станала членка на здружението на клубот „Најубави заливи во светот“ каде се наоѓаат заливите на 25 земји од сите континенти.