Холандскиот амбасадор Јан Коп: Не треба да се прави драма со Бугарија
Објавено во: Македонија 25 Декември, 2021
Амбасадорот на Холандија во Скопје Дирк Јан Коп вели дека спорот на Македонија со Бугарија е мала пречка на патот на земјата кон ЕУ. Тој го коментираше односот помеѓу Македонија и Бугарија во емисијата „Трилинг“.
„Стана сосема јасно дека Бугарија стави вето на Македонија. Никој не ја дели нејзината позиција. 26 земји-членки мислат дека Македонија е подготвена да започне со преговорите со ЕУ“, коментира тој
Според него, притисокот врз Бугарија во последно време расте, но ситуацијата сè уште не треба да се претвори во драма.
„Според мене, тешкотиите со Бугарија се мала пречка на патот кон ЕУ и тоа нема ефект врз домашната задача што секоја земја треба да ја напише. Сè уште мислам дека не треба да има драма околу Бугарија. Овој проблем ќе биде решен еден ден“, додаде Коп.