Добивај вести на Viber
Хашкото обвинителство бара лидерот на српските радикали Воислав Шешељ да се врати во Хаг. Барањето е поттикнато од однесувањето на Шешељ по враќањето во Србија, со кое се подрива основот за неговото привремено ослободување.
Во барањето потпишано од главниот хашки обвинител Серж Брамерц се инсистира на итна расправа во Трибуналот на која ќе се отповика одлуката за привремено пуштање на Шешељ на слобода, одново да се расправа за неговата здравствена состојба и да се постават услови за негово пуштање на слобода.
„Сега е очигледно дека довербата на советот на Трибуналот беше неоснована, бидејќи тој јасно се изјасни дека нема намера да се враќа во Трибуналот доброволно. Шешељ им се заканува и на оние што соработуваат со обвинителството“, се истакнува во барањето на Брамерц.