ХАОС ВО БЕРЛИН: Откажани стотици летови поради штрајк на аеродромите
Објавено во: Свет 13 Март, 2017
Синдикатот на персоналот на аеродромите Тегел и Шенефелд во Берлин денеска започна 25-часовен штрајк поради што се откажани над стотици летови.
Штрајкот е започнат во 4 часот утрото, а ќе заврши утре во 5 часот исто така утрото.
Според наводите на претставници од берлинскиот аердром, на Тегел се откажани 465 летови, а на Шенефелд 195.
Синдикатот организира штрајк бидејќи бара на персоналот да му се зголеми платата од 11 на 12 евра по час.
Менаџментот на аеродромот понудил тоа зголемување да биде 10 центи, што синдикатот децидно одбил.