Гусарот со две обвиненија
Објавено во: Македонија 24 Јануари, 2020
Основното јавно обвинителство Скопје поднесе обвинение против поранешниот новинар и вработен во Централен регистар, Емил Јакимовски, за загрозување на сигурноста при вршење семејно насилство, како и за уште едно дело - загрозување на сигурноста по пат на информатички систем.
Вештачењето покажало дека Гусарот ги сторил делата во состојба на битно намалена пресметливост, а првото дело го сторил на начин што со умисла извршил повеќе временски поврзани дејствија како поранешен сопруг на оштетената. При вршење семејно насилство и ја загрозил сигурноста со сериозна закана дека ќе нападне врз нејзиниот живот и тело и врз животот и телото на нејзино блиско лице- нејзиниот татко.
Обвинетиот, покрај тоа, на 10 јануари по пат на информатички систем и се заканувал на новинарка дека ќе изврши кривично дело –убиство и му се заканува казна затвор од најмалку пет години. Заканите ги упатувал преку пораки и мобилни апликации, па оштетената се почувствувала дека и е загрозена личната сигурност, велат од ОЈО.