ГРУБИ НАЈАВИ:Апсолутен приоритет е систематизацијата на 1.400 вработени по Рамковен договор

Добивај вести на Viber

Артан Груби денеска ја презеде гункцијата прв вицепремиер и министер за политички систем, а пред традиционалната средба кај шефот на државата, Стево Пендаровски, тој истакна дека со своите колеги имале координативна средба непосредно пред состанокот со претседателот на државата.

-Наша задача е да ги продлабочиме реформите, да ја имплементираме Програмата која вчера беше усвоена во Собранието и да ги исполниме сите очекувања на граѓаните. Ние се едно со Зоран Заев, веќе сме една Влада, заедничка Влада и заедно сме во тој Кабинет. Ова е коалициска Влада и како што можете да видите и во коалицискиот договор и во Програмата на Владата, консензуално и заеднички одлучуваме сите како колективно тело за доброто на сите граѓани и имплементирање на Програмата, изјави Груби.

Истовремено, тој најави дека апосолутен приоротет е систематизацијата на сите вработени по Рамковниот  договор и смета дека во следните шест месеци ќе успеат да ги систематизираат сите луѓе кои чекааат да почнат на своите работни места. Дтанува збор за околу 1.400 вработени.

Во однос на прашањето дека во Законот за Влада не постои функција прв вицепремиер и дали ќе го менуваат Законот, Груби одговори дека сметаат дека треба да се промени Деловникот за работа на Владата и за ова ќе се разговара на утрешната седница.