Груби: Лажните вести произведени од албанската опозиција ги поткопуваат преговарачките позиции на ДУИ
Објавено во: Македонија 14 Август, 2020
Артан Груби од ДУИ вели дека сè уште не е постигнат договор помеѓу СДСМ и ДУИ.
Тој се огласи откако Канал 5 објави дека договор за формирање на нова Влада е постигнат и дека дел од ресорите се распределени.
Груби вели дека ваквите лажни вести се лиферувани од страна на албанската позиција, а со тоа им ги нарушуваат позициите на ДУИ во преговорите.
„Постојаните лажни вести произведени од албанската опозиција ги поткопува преговарачките позиции на ДУИ. Тие прават се за да ја избегнат одговорноста во своите редови поради неуспехот на изборите и измамата што ја направија кон граѓаните“, вели Груби за Коха.