ГРЦИТЕ СЕ КОНСУЛТИРААТ ЗА ИMETO: Koѕиас оваа година очекува решение

Добивај вести на Viber

Грчкиот министер за надворешни работи, Никос Коѕиас очекува оваа година да се реши спорот со името. 

„Грчката Влада поддржува и преговара за сложено име за сите употреби, она што Грција го презентираше како позиција во Букурешт и ние сме за тоа да има согласност од сите партии и политички сили на земјата“- изјави денеска Коѕиас по завршувањето на мини министерскиот состанок во премиерската палата во Атина, кој според грчките медиуми вонредно го закажа грчкиот премиер, Алексис Ципрас за прашањето за името.

Коѕиас верува дека оваа година ќе се решат прашањата во грчката надворешна политика.

Коалициониот партнер во грчката Влада, Панос Каменос изјави дека останува на позицијата дека е во сила одлуката од лидерската средба во Грција во 1992 година и дека смета дека преговорите треба да продолжат. Тој рече дека има доверба во грчкиот министер за надворешни работи, но и дека преговорите ќе бидат тешки кога ќе дојде време, затоа што како што рече, „политичките сили ќе треба да го формулираат конечното национално решение.“

Повеќе сигнали од Скопје и Атина последниве месеци укажуваат дека двете влади се обидуваат да го забрзаат решавањето на спорот во пресрет на самитот на НАТО во јуни годинава во Брисел. Германската агенција ДПА, повикувајќи се на грчки дипломатски извори денеска објави дека САД вршат голем притисок за влез на Македонија во НАТО.

Вицепремиерот Бујар Османи не ги потврдува информациите на грчките медиуми дека во понеделник или вторник ќе ја посети Атина, за да се сретне со министерот за надворешни работи Никос Коѕиас. 

Но, тој вели дека двете земји се во постојана комуникација.