Грција со предлог: Да се направи нов бегалски камп на Хиос
Објавено во: Балкан 21 Ноември, 2016
Грчката влада сака да создаде нов камп на островот Хиос.
„Ние предлагаме да се испразни сегашниот камп во Суда, кој се наоѓа во близина на пристаништето и главен град на островот со речиси 700 мигранти и да се создаде нов прифатен центар"- рече државниот секретар за прашањата на имигрантите, Јанис Балафас за телевизијата „Ипсилон".
Според владата новиот центар може да биде создаден на празен терен, кој е користен во минатото како место за слетување. Тој се наоѓа на четири километри од пристаништето.
„Ако општината ни даде зелено светло, работата ќе започне веднаш и тоа ќе биде решение кое ќе стави крај на тензиите во кампот Суда"- кажа Балафас.
Општината на Хиос засега одбива да се создаде нов камп за бегалци, кои во моментов се 4000 на островот, бидејќи се стравува од зголемување на нивниот број.
Од петок, по две последователни вечери со инциденти, речиси стотина бегалци избегаа од кампот и спијат по околните тротоари, бидејќи се плашат да се вратат.
Во ноќта спроти четврток две групи мигранти ограбија две продавници и се судрија со полицијата.
Наспроти петок беа фрлени молотови коктели во кампот, и уништени беа шатори.
Двајца волонтери кои им помагаат на бегалците, беа нападнати од околу 30 лица и влегоа во болница. Во петокот Сириец беше удрен со камен во главата од непознат.