Грција се подготвува за приватизација на „Hellenic Petroleum“

Добивај вести на Viber

Грчкиот фонд за приватизација (HRADF) ја подготвува постапката за продажба на дел од Hellenic Petroleum, станува јасно од пораката на сајтот на Фондот.

Со одлука на властите во земјата од 2012 година во активата на институцијата се префрлени 35,477% од капиталот на нафтената компанија. Сега Фондот бара консултанти да подготви стратегија за иднината на овој пакет акции.

Одлуката да биде покрената постапката е донесена од Одборот на директори на HRADF на 31 март 2017 година и институцијата има објавено покана за изразување на интерес за стратешки и финансиски советник. Кандидатите треба да имаат искуство во инвестициското банкарство во нафтениот и гасниот сектор, станува јасно од објавеното.

Тие ќе треба да направат целосен преглед на стратешките алтернативи за учество на Фондот во Hellenic Petroleum, земајќи ги предвид сите постоечки договори односи и учества на компанијата, како и врз основа на предизвиците во нафтениот сектор во ЕУ и на меѓународно ниво.

Во втората фаза на постапката консултантите треба да направат стратегија за финансирање на стратешкиот план за дела на Hellenic Petroleum.

Изработката на стратегијата за акциите, односно првата фаза на постапката ќе трае до шест месеци.

Hellenic Petroleum е една од водечките енергетски групи во Југоисточна Европа. Главните акционери во компанијата се приватниот фонд на земјата и 2Paneuropean Oil and Industrial Holdings“, која држи дел од 45,5% од капиталот. 8% од акциите се во рацете на приватни инвеститори.

„Hellenic Petroleum“ поседува три од четирите рафинерии во Грција и удел од 65% од продажбата на големо на нафтени производи во земјата.

Компанијата има присуство и во соседните земји со рафинерии крај Скопје и учество на пазарот во Бугарија, Србија, Кипар и Црна Гора.