Грчките пензионери на протест - незадоволни се од економските мерки
Објавено во: Балкан 15 Декември, 2016
Протести се закажани денеска на пензионерите во Грција, поради владината мерка за еднократна социјална помош.
Федерацијата на пензионерите повика на масовно учество во денешните протести.
Премиерот Алексис Ципрас лани без да ги извести кредиторите, објави дека ќе биде дадена 13-та пензија за 1,6 милиони пензионери и ќе се одложи зголемувањето на ДДВ за островите на кои има бегалци.
За денеска во грчкиот парламент е закажано поименично гласање за прашањето за социјалниот бонус кој медиумите го нарекуваат „божиќен подарок“ на Ципрас. Пензионерите во земјата се незадоволни откако ги погодија серија економски мерки поради што пензиите им се намалија скоро за половина.
Атина предвидува дополнителна помош за секој пензионер со приход по 800 евра.
Пред една недела министрите за финансии на еврозоната ги одобрија краткорочните мерки за ублажување на грчкиот долг, откако Грција покажа задоволителен напредок во спроведувањето на фискалните реформи.