Грчки ловец „грмеше“ над Скопје
Објавено во: Македонија 01 Декември, 2021
Грчки ловец денеска изведуваше прелети над Скопје, нешто што можеше лесно да се слушне и да се види од граѓаните на главниот град.
Од Министерството за одбрана потврдија дека се работи за активност во рамки на „Ер полисинг“ мисијата од договорот потпишан помеѓу Грција и Македонија пред две години потпишан во Атина.
Се работи за технички аранжман за надзор на воздушниот простор кој се реализира во координација со НАТО.
Првите прелети на грчките борбени авиони се случија во месец мај 2019 со два прелета во воздушниот простор на земјава од страна на воздухоплови Ф-16 на грчката Армија, со цел проверка на комуникациите и радарската покриеност.
„Мисијата „Ер-полисинг“ важи само за земјите членки на Алијансата и вклучува користење на системот за следење на воздушниот простор и управување со системот за команда и контрола на воздухопловните сили со соодветни сили и средства за противвоздушна одбрана, вклучувајќи и борбени авиони. Целта е заштита на интегритетот на воздушниот простор на НАТО земјите членки.
А.К.