Градските власти се гарант за кредитот за новата зграда на ЈП “Водовод и канализација”!

Добивај вести на Viber

Градот Скопје ќе му биде гаранција на јавното претпријатие “Водовод и канализација”, за заемот што претпријатието ќе го земе од една од домашните банки. Се работи за заем во висина од 7.317.073 евра, што јавното претпријатие ќе го земе за доизградба на својата управна зграда. За издавање на гаранцијата за долгорочно домашно задолжување на ЈП “Водовод и канализација”, градските советници ќе распрваат на утрешната седницва на Советот на Град Скопје. - Град Скопје безусловно и неотповикливо се обврзува и ги гарантира сите плаќања на ЈП “Водовод и канализација” – Скопје кои ќе произлезат од  договорот за заем склучен врз основ на Одлуката за долгорочно домашно задолжување на ЈП “Водовод и канализација” – Скопје, број 0201-6519/4 од 16.06.2014 година донесена од страна на Управниот одбор на ЈП “Водовод и канализација” – Скопје. Средствата од задолжувањето ќе бидат искористени за реализација на проект за доизградба на Управната зграда на ЈП “Водовод и канализација” – Скопје и за која е издадена согласност од страна на Советот на Град Скопје, стои во образложението од Градот Скопје. Инаку кредитот што ќе го земе претпријатието за доизградба на управната зградба, е со каматна стапка до 8% на годишно ниво, грејс период 2  години, и рок на отплата 10 години, без вклучен грејс период. Досега вкупните трошоци за изградба на објектот се околу 10 милиони евра, но  директорот, Бојан Василевски, неодмна изјави дека толку и било планирано. Новата зграда која се наоѓа под Калет на кејот на реката Вардар е со барокна фасада..Првично изградбата и беше доделан на австриската фирма „Алпине бау“, но откако компанијата банкротираше претпријатието го раскина договорот и по застој од неколку месеци склучи нов со фирмата „Алдинг инжинеринг“ за доградба. Ј.С