Добивај вести на Viber
Мајкл Блумберг, градоначалникот на Њујорк им понуди на европските градови милиони долари за планови за унапредување на градскиот живот. Милијардерот, кој кариерата на бизнисмен ја замени со политичка, ги повика околу 600 поголеми европски градови да учествуваат во наддавањето за 12 милиони долари (9 милиони евра) од неговиот личен фонд.
По примерот на конкурсот во рамките на програмата Bloomberg Philanthropies, по која секоја година се доделуваат 9 милиони долари за пет американски градови, на европскиот конкурс ќе бидат наградени идеи, со кои се нуди решение за одредени проблеми во градовите или овозможуваат поголема ефикасност на градските управи со цел подобрување на животот на граѓаните.
На конкурсот можат да учествуваат градви со повеќе од 100.000 жители од 40 земји. Главната награда од 5 милиони евра ќе отиде за еден град, а уште четири ќе добијат по еден милион. Победниците ќе бидат соопшени идната есен.