Градилиштето кај „Беко“ затворено од Центар
Објавено во: Македонија 20 Јуни, 2019
Градилиштето кај „Беко“ е затворено од страна на Општина Центар, затоа што инвеститорот не ја почитувал одлуката за престанок на градба, односно забрана.
– Пред три недели на инвеститорот му издадовме решение за престанок со градба. Но, и покрај таквото решение во градилиштето постојано имаше работници. Со ова решение за забранува влез на објектот, наведе Саша Богдановиќ, градоначалникот на општината.
Додаде дека доколку биде прекршена оваа забрана, инвеститорот и изведувачот ќе добијат кривична пријава.
Зградата на поранешно „Беко“ почна да се урива лани во март. Инвеститорот тврдеше дека била нарушена статиката и затоа мора да се урне.
Колкава ќе биде висината на објектот од Општината велат дека ќе се знае кога ќе се заврши изработката на новиот детален урбанистички план, но постојано уверуваат дека нема да добие поголема висина од претходната.