ГОТОВИ СЕ РЕЗУЛТАТИТЕ: Кај седумте тестирани нема корона
Објавено во: Македонија, Корона Вирус 15 Март, 2020
Резултатите на седумте пациенти кои претпладнево се тестираа се негативни на коронавирус, а на едно лице тестот ќе се повтори, соопшти Министерството за здравство.
„Тестот на пациентот од Кочани, е негативен, но заради типичните симптоми на вирусот, истиот се повторува“, велат од кабинетот на министерот Венко Филипче и додаваат оти дополнително ќе информираат за резултатот.
Денеска се тестираа пациенти од Куманово, Тетово, Кичево, Охрид, две трудници од Дебар и еден пациент од Кочани, чиј брис пристигнал преку Центарот за јавно здравје од Штип.