Голем хуманитарен настан на „Мрдни со прст“ за донација на училиштен прибор оваа недела на Школка
Објавено во: Мои пари 07 Септември, 2017
Оваа недела (10 септември), Градскиот парк ќе одекне во звуците на македонската музика и солидарноста во рамките на хуманитарниот настан што ќе се одржи во периодот од 13 ч. до 15 ч. на Школка, во организација на „Мрдни со прст“, Меѓународниот сојуз ‒ Скопје, Националниот младински сојуз на Македонија и Агенцијата за млади и спорт.
Во рамките на двочасовната програма, голем број македонски познати личности, меѓу кои Тамара Тодевска, Викторија Лоба, Биг Мама, диџеј Гоце Саф, Мартија Станојкоиќ, хип-хоп групата Битрикс, кошаркарската легенда Владо Илиевски, неповторливите Лила Стојановска, Марко Новески и уште многу други, заедно со сите хумани граѓани ќе мрдаат со прст и ќе се обидат барем малку да придонесат за поубаво секојдневие за оние што имаат најголема потреба од тоа.
Целта на хуманитарниот настан е прибирање донации на училиштен прибор, односно тетратки, моливи, пенкала, ранци, книги, секаков вид боички и друг училиштен материјал, неопходен за непречено следење на училишната настава, кои хуманите граѓани ќе можат да ги достават во комбето на „Мрдни со прст“ што ќе биде во функција на собирен пункт на Школка.
Донациите ќе бидат наменети за дечиња од социјално загрозени семејства и од семејства во социјален ризик, кои се соочуваат со недостиг на финансиски средства за набавка на основните образовни материјали, а ќе им бидат дистрибуирани на околу 120 дечиња од 6 основни училишта во Скопје и околината, ученици во ОУ „Сами Фрешери“ во с. Глумово, ОУ „Марко Цепенков“ во Зелениково, ОУ „Ѓорг Кастриоти Скендербеу“ во Арачиново, ПОУ „Златан Сремец“ во Кисела Вода, ОУ „Рајко Жинзифов“ во Драчево, ОУ „Дитурија“ во Сарај и дополнителни три подрачни основни училишта во селата Крушопек, Грчец и Љубин.
Ги покануваме сите родители, грижливи браќа, сестри и дарежливи соученици да се придружат во собирањето прибор што подоцна ќе им го поделиме на оние на кои најмногу им е потребен.
Повеќе информации за иницијативата „Мрдни со прст“ се достапни на: www.mrdnisoprst.mk и на фесјбук-страницата https://www.facebook.com/MrdniSoPrst/
Мрдни со прст! Ти си на потег!
Можеби ќе ве интересира
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
Државната изборна комисија го заокружи едукативниот караван „ТИ СИ НА РЕД“ во битолскиот и тетовскиот регион
СУПЕР МИЛИОНЕР ЏЕКПОТ НА ВИДЕОЛОТАРИЈА КАСИНОС АВСТРИЈА Е ВО ЗОНА НА ПАЃАЊЕ
Посета во Бимилк: 200 деца од градинката „Пролет“ го научија патот на млекото
ЕВН и „Макпетрол“ ќе постават 10 брзи полначи за електрични возила низ цела Македонија
