Годинава внимавајте на овие криптовалути
Објавено во: Економија 06 Јануари, 2018
Некои дигитални валути во последно време подобро котираат од биткоинот, и вреди да се внимава на нив во 2018 година.
Ripple
Ripple е меѓу петте најголеми конкуренти на биткоинот кога се во прашање криптовалутите. Вредноста на оваа валута беше помала од еден долар, односно 0,006523 долари, но на крајот на 2017 нејзината цена скокна на 2,29 долари, што е 350 пати повеќе од првобитната вредност.
Ethereum
Ethereum е продукт на руско-канадскиот програмер Виталик Бутерин, а се работи за третата по ред криптовалута чија пазарна капитализација премина 80 милиони долари. На почетокот на минатата година Ethereum вредеше само 8 долари, за на крајот на годината цената да биде скоро 100 долари.
Bitcoin Cash
Оригиналниот биткоин ги собори Bitcoin Cash, Bitcoin Gold и многуте други биткоин криптовалути. Не се сите успешни, но Bitcoin Cash дефинитивно е. Оваа криптовалута е побрза од главната биткоин валута и може да се пофали со помали трошоци за провизија.
Cardano
Овој дигитален токен е всушност blockchain платформа која функционира како криптовалута и паметна платформа. Неговата цел е да стане првиот blockchain проект кој се развива, како што е тоа објаснето, преку научна филозофија.
Litecoin
Litecoin е основан во 2011 година со цел да биде „среброто“ за „златото“ на биткоин. Го основаше Чарли Ли, кој има дипломирано на MIT и е поранешен Google инженер. Како и биткоин, и Litecoin се заработува преку процес на „mining“.