Глобалниот долг достигна рекордни 233 милијарди долари
Објавено во: Економија 05 Јануари, 2018
Глобалниот долг се зголемил на рекордни 233 трилиони долари во третиот квартал од 2017 година, што е над 16 трилиони долари повеќе од крајот на 2016 година, според анализата на Институтот за меѓународни финансии. Долгот на нефинансискиот сектор достигна рекордни износи во Канада, Франција, Хонг Конг, Јужна Кореја, Швајцарија и Турција, објави Блумберг.
Во исто време, сепак, односот на долгот кон бруто-домашниот производ (БДП) се намалил четвртиот последователен квартал, додека економскиот раст се забрзува. Односот сега изнесува околу 318%, што е 3 процентни поени под нивото на третиот квартал од 2016 година.
„Комбинација на фактори, вклучувајќи синхронизиран глобален раст над потенцијалот, забрзување на инфлација (во Кина, Турција) и напори за спречување на дестабилизирачка акумулација на долг (во Кина, Канада), придонеле за падот“, пишуваат аналитичарите на IIF во својот коментар .
Сепак долгот може да дејствува како сопирачка за централните банки, кои се обидуваат да ги зголемат каматните стапки, со оглед на стравувањата околу капацитетот за сервисирање на долгот од силно задолжените компании и владата, пишуваат уште аналитичарите на IIF.
Кина бележи забавување на темпото на акумулација на долговите, пренесува Ројтерс. Обврските се зголемија за 2 процентни поени минатата година на 294% од БДП во споредба со просечниот годишен пораст од 17 процентни поени, за периодот 2012-16.