Ги користат ли газдите дупките во законот: Работници не знаат што е работење во загуба
Објавено во: Економија 11 Јануари, 2020
Дел од македонските работодавци ги користат дупките во законот и така манипулираат со работниците, реагира јавноста на социјалните мрежи откако од НВО Гласен текстилец ги објавија првичните злоупотреби со исплатата не годишниот регрес.
Од погореспомнатата невладина организација посочија дека ни тие не знаат што значи терминот работење со загуба, за да кога ќе ги прашаат работниците, знаат што да им одговорат.
Ова го кажува Кристина Ампева која посочува дека ниту работниците знаат, ниту пак тие како организација што значи работење со загуба.
„Дали тоа е инвестиција, дали тоа е нова кола, нови машини, што е загуба, што е нови инвестиции, за да знаеме што да им кажеме на работниците, кога не прашуваат дали 1.000 денари е регуларна исплата на К-15“, вели Ампева додавајќи дека бараат да се провери и ситуацијата на терен од надлежните служби.
Ампева обвинува и дека голем дел од фирмите намерно пријавуваат загуба а во истовреме се корисници на голем дел од мерките на државата, па оттука се понуди за помош со информации до УЈП доколку институцијата има потреба од такви.
Имено, најзлоупотребувани од исплатата на регрес се текстилните работниците од Крива Паланка, Делчево, Штип, Ресен, Кочани и Пробиштип на кои газди им исплаќале од 100 денари па до 6000 за К-15.
Иако ретки, ги има и тие кои исплатиле и максимални 10 100 денари