Добивај вести на Viber
Германија, во четвртиот квартал, ќе позајми помалку пари од финансиските пазари, благодарение на стабилноста на јавните финансии, наведува Федералната финансиска агенција.
Како што се наведува во соопштението, благодарение на поволната ситуација во врска со државните буџети и фондови за 2013 година, владата ќе го намали издавањето на обврзници за вкупно три милијарди евра во однос на првобитните планови објавени во декември 2012 година, пренесува агенцијата Франс прес.
Долгот во четвртиот квартал ќе биде намален, од планираните 57, на 54 милијарди евра, а вкупниот долг во 2013 година ќе биде 247 наместо 250 милијарди евра, додава агенцијата.