Георгиев: Tреба да се задржат двете перцепции за Гоце Делчев
Објавено во: Македонија 17 Септември, 2020
Треба да се разговара, но ако ние не се усогласиме, треба да се најде некој среден пат за да ја поминеме оваа пречка, изјави Драги Георгиев од Комисијата за историски и образовани прашања во Само вистина на Канал 5 за спорот околу револуционерот Гоце Делчев.
Вели дека треба да се задржат двете перцепции за Гоце Делчев, и смета дека тоа е решението.
Друго решение рече дека нема да биде прифатено од народот и општеството.
Додаде дека има многу документација на оваа тема.
Георгиев кажа дека Делчев бил лојален на Македонија, но наведува дека има и документи каде тој се декларира како Бугарин, што не може да се игнорира.
„Политизација секако има, политичарите го политизираат тоа прашање“, рече тој.