ГЕНЕРАЛ СТОЈАНЧЕ АНГЕЛОВ СЕ СЕЌАВА НА КАРПАЛАК: Херои македонски, вечна ви слава
Објавено во: Македонија 08 Август, 2020
Да не се заборави.
Изминаа 19 години од нападот на македонските бранители кај Карпалак, во кој загинаа 10 млади војници.
На настанот се сеќава и Стојанче Ангелов, тогашен генерал во безбедносните сили.
„На денешен ден 2001-та, од страна на УЧК, кај месноста Карпалак е нападната единица на АРМ која од прилепската касарна преку Скопје се движела кон Тетово.
Во заседата загинаа 10 македонски херои, припадници на резервниот состав на АРМ:
Ердован Шабаноски (20)
Веби Рушидоски (26)
Марко Деспотоски (27)
Дарко Вељаноски (27)
Горан Миноскии (29)
Пеце Секулоски (29)
Љубе Грујоски (31)
Сашо Китаноски (39)
Бранко Секулоски (42)
Нане Наумоски (48)
Вечна ви слава, херои македонски!“, напиша Ангелов на фејсбук.
А настанот го одбележа и Владата.
Во име на Владата на Република Северна Македонија, Драган Василевски, советник за одбрана на претседателот на Владата, денеска, положувајќи свежо цвеќе на спомен-плочата во месноста Карпалак, на автопатот Скопје - Тетово, оддаде почит и учествуваше во одбележувањето на 19-годишнината од за загинувањето на десетмината припадници на резервниот состав на Армијата во оружениот конфликт во 2001 година.
Пред спомен обележјето посветено на прилепските бранители, венци со свежо цвеќе положи и делегација од Министерството за одбрана и Армијата на Република Северна Македонија, делегација од Кабинетот на Претседателот на Република Северна Македонија, делегации на прилепската локална самоуправа, претставници од составот на резервните воени обврзници, членови на семејствата и пријатели на загинатите.
Споменот и одбележувањето на годишнината од смртта на десеттемина армиски резервисти започна синоќа во Прилеп, каде во име на Владата на Република Северна Македонија, советникот на претседателот на Владата, Драган Василевски, положи свежо цвеќе пред спомен-обележјето во касарната „Мирче Ацев”, како и пред споменикот на бранителите во прилепското село Лениште.
Можеби ќе ве интересира
ПОРТПАРОЛОТ НА ВМРО- НАУМ, СО УШТЕ ЕДЕН ПОЗДРАВ ДО АЛИ: Не напиша ништо, но со фотографијата кажа сѐ
„ВМРОИДИТЕ СИ КУПИЛЕ ЧЕТВОРИЦА ПРАТЕНИЦИ НА КВАНТАШКИ“: Се огласи Апасиев за тоа што ВМРО-ДПМНЕ обезбедија 61 пратеник
СЕ АПЕЛИРА НА ВНИМАТЕЛНОСТ – МОЖНИ СЕ ШТЕТИ: Од ноќта сабота кон недела во Македонија доаѓа силно невреме, кое ќе продолжи и наредната недела
ФАКТОР НА ДЕНОТ: Мицкоски вели дека ВМРО-ДПМНЕ има 61 пратеник
ГРЧКИ МЕДИУМИ: Идниот премиер на Северна Македонија ја следи линијата на Силјановска Давкова
ТОШКОВСКИ: Mакедонската јавност во наредниот период ќе види многу интересни случаи
МИЦКОСКИ ДО ГРЦИЈА: Ако тие мислат дека ние сме го прекршиле договорот тогаш постои Меѓународен суд за правда
MИЦКОСКИ: Покрај 58 пратеници на коалицијата, имаме консолидирано точно 61 пратеник
