Добивај вести на Viber
ОБРЕНОВАЦ:
Оваа зграда се наоѓа во Обреновац. Граѓаните побарале помош. На социјалните мрежи осамна следниов апел:
“ИТНО! Пука станбената зграда во Обреновац, на адреса Вук Караџиќ 93А. Потребна е ИТНА помош“.
Новинари од ТДИ Радиото пренесуваат дека граѓаните биле буквално заробени. “Ве молиме да испратите помош“ – рекле станарите од оваа зграда.
КРУПАЊ:
Реката Ликорда и нејзините четири притоки напраија вистински хаос во Крупањ. Под вода се околу 500 куќи а повеќе од 600 лица се евракуирани од своите домови. Од нив 120 се сместени во хотелот “Пегаз“, додека останатите се прифатени од роднини. Во овој регион една особа го загуби животот.
“Состојбата е крајно критична. Иако водата почна да се повлекува, зад неа остана голема количина на тиња. Најголем проблем е снабдувањето на градот со храна и вода за пиење. Сите патни правци се непроодни, вода нема, а цистерните не можат да стасаат до градот“, изјави Раде Ѓуриќ, претседател на општината Крупањ.
ШАБАЦ:
Премерот на Србија Алаксандар Вучиќ ги повика жителите на Шабац да се однесуваат одговорно и да ги слушаат инструкциите на институциите.
“Шабац ќе го браниме со сите средства и сите сили! Практично на сила се воени мерки. Во прашање се десеттина илјади куќи, а штетата би била од библиски размери. За можната загуба на човечките животи не смеам ниту да спомнам“, изјави премерот на Србија.
Д.А.