Добивај вести на Viber
Архитектот Никола Башиќ, креатор на новиот изглед на Задар и автор на светски познатите Морски оругули кои станаа симбол на овој хрватски град, на чекор е до уште еден мега проект - претворање на задарскиот полуостров во остров.
Минатата недела задарскиот градоначалник Божидар Калмета го одобри јавниот конкурс за изработка на урбанистичкиот план за тој дел од градот, а проектот со кој се очекува да конкурира Башиќ е веќе готов од 2008 година.
Со проектот наречен „Портата на Задар“ се предвидува повторно прокопување на каналите кои постоеле на ова место, за да се одвои полуостровот од копното и да се претвори во остров. Потоа, тој би бил поврзан со копното со три нови пешачки мостови, кои е предвидено да се отвораат за да се овозможи пловност на каналот за бродови.
Каналот е предвидено да стане и средиште на задарскиот социјален живот, односно покрај неговиот брег треба да бидат сместени кафулиња, ресторани, кина, музеи, концертни сали и амфитеатар.