ФРАНЦИЈА ДЕПОРТИРА АЛБАНЦИ: Макрон го потенцираше напливот на баратели на азил

Добивај вести на Viber

Од Франција се депортирани 120 албански државјани

На меѓународнот аеродром во Тирана вчера доброволно се вратени 120 албански државјани, баратели на азил во Франција. Со тоа тие избегнале казни што произлегуваат од непочитување на дозволата за престој на во шенген зоната.

Началникот на полицискиот комесаријат на аеродромот, Прпарим Дема вели дека ова е една од најголемите операции за депортрање на доброволна основа, „што се смета за помошен елемент во спречувањето на неправилното движење во шенген зоната“.

Пред три дена 100 албански граѓани и тоа од Франција (43), од Белгија (пет) и од Германија (52) беа депортирани затоа што ги прекршиле правилата за престој во земјите на Унијата или барале азил. Неколку дена пред тоа со два чартер-лета беа депортрани 104 албански државјани од кои 15 од Франција, пет од Белгија и 84 од Германија.

„Како да им објаснам на моите сограѓани дека втората земја по баратели на азил во Франција се луѓето што доаѓаат од Албанија, но работите се толку розови што допрва започнуваат со преговори за влез во ЕУ? Со оглед дека не знам да им објаснам на луѓето, тоа значи дека постои проблем. Не знам да објаснам. Ние треба да ги подредиме работите правилно“, изјави деновиве францускиот претседател Емануел Макрон. 

Тој рече дека ова треба да се прави на поорганизиран начин.