(ФОТО+ВИДЕО) Момче свири на виолина додека се пука во Мосул
Објавено во: Свет 20 Април, 2017
Меѓу урнатините на антички локалитет во Мосул, Ирак виолинистот Амен Мукдад(20) одржа концерт во градот кој локалните жители мораа да го напуштат поради теророт од екстремистите на организацијата „Исламска држава“.
Додека тој свирел во западните делови на Мосул одекнувале пукотници и експлозии.
Мукдад свиреше музика што ја компонирал во тајност додека живеел под строгата управа на милитантите.
„Ова е место за сите, а не само за една секта. ИСИС не е никаква религија, туку идеологија што ја уништува слободата. Сѐ што е поврзано со ИСИС е погрешно“- изјави виолинистот.
Тој побегнал од Мосул откако припадниците на ИД влегле во неговата куќа и му ги заплениле инструментите затоа што според нивното толкување на суни исламот тоа е кршење на верата.
Тој вели дека местото на кое свиреше, џамијата на пророкот Јунус, е симбол на единството. Со неговиот концерт Мукдад вчера го одбележа своето враќање во Мосул, град кој беше под власт на ИД од 2014 година.