(ФОТО) Во Италија откриена воена резиденција од вториот век
Објавено во: Свет 04 Март, 2018
За време на работата на подземната железница во Рим, работниците пронајдоа резиденција на воен командант од вториот век, заедно со добро сочувани геометриски дизајнирани мозаици, мермерни подови и насликани ѕидови.
Главниот римски археолог, Франческо Просперети, изјави
дека престојот или кампусот припаѓале на претходно ископаната стара римска
касарна.
Тој додаде дека градилиштето на метрото се претворило во "неверојатен археолошки локалитет", објави АП.
Резиденцијата, која се наоѓа 12 метри под површината,
вклучува најмалку 14 соби и фонтана во централниот двор. Урнатините и
остатоците ќе бидат преместени на друго место, така што работата на метро ќе може
да се продолжи.
Изградбата на линијата Ц на метрото веќе доцни, поради бројните откритија.Кога ќе биде готова градбата на подземната станица, тогаш куќата ќе биде вратена на сегашното место и ќе служи како украс на метрото, велат археолозите.