ФОТО+ВИДЕО:Белгијците се бунтуваат против владините реформи за труд
Објавено во: Свет 24 Мај, 2016
Полицијата во Брисел употреби водени топови за да ги растера демонстрантите кои протестираат против владините реформи за труд.
[embed width="700" height="450" ]http://twitter.com/bart_bies/status/735080366382407680[/embed]Во протестите има и повредени. Демонстрантите побараа Владата да се откаже од прелиминарните планови за ставање крај на 38-часовната работна недела во Белгија. Луѓето се убедени дека зголемувањето на даноците влијае само на работниците, но не и на фирмите и луѓето со високи примања.
Протестот, на кој учествуваа околу 60.000 луѓе, е против социјалната и економската политика на десноцентристичката Влада, која според синдикатите ќе ги ослаби столбовите на социјалниот систем во Белгија.
[embed width="700" height="450" ]http://twitter.com/bart_bies/status/735040991221157888[/embed]Според синдикалните лидери, пазарната политика на премиерот Шарл Мишел во последните две години одземала просечно по 112 евра месечно од секое семејство, а ветувањата за нови работни места не се исполнети.